Muli mutya banna Bukoto West bannange! Kirungi okwogerako nammwe ku nsonga eriwo Kati, eya Covid -19 (Corona Virus) efuuse ekizibu ekinene mu nsi yonna. Ntuusa okutegeeza kwange eri mmwe mwenna abantu baffe nti mbaagala nnyo nyini ddala. Y'ensonga lwaki nvuddeyo okubasaba nti tukwataganire wamu mu kulwannyisa awamu n'okwewala ekirwadde kino ki namutta. Mujjukire bambi nti ebizibu ebinene bitukosa kinene era ebizibu ebitono bitukosa kitono. Ekizibu ekiriwo kinene nnyo era kiteekwa okutukosa kubanga w'ekiri. Wabula ekisinga obulungi kwe kuba nga waliwo engeri gyetusobola okulwannyisamu ekizibu kino obutasaasaana nnyo mu bitundu byaffe. Mbasaba ffena awamu twekuume nga tuli balamu! Tetuganya akawuka kano kutuuka kuno oba okusaasaana singa kaba katuuse.
Obubaka
okuva ewa Ms. Olivia Mugabe
(eyewaddeyo okuweereza banna Bukoto
West nga omubaka mu Palamenti)
Banna Bukoto West bannange mbegayiridde tukwatire wamu
tulwannyise obulwadde buno tebutuuka wano ewaffe, era nga bwetukolera nate
awamu okubwewala singa buba butuuse. Jjukira nga ggwe tojja kumanyirawo nti
butuuse oba nti oyo gw'oliraanye abulina oba tabulina. N'olweekyo, kubanga
okugema kukira okujjanjaba, mbasaba nti ffenna awamu tukole bino wammanga buli
kiseera okwetangira; n'ewankubadde nga tetumanyi bwe tuyimiridde oba bannaffe
bwe bayimiridde ku nsonga eno.
1. Tweyongere okwekwasa eri Katonda
waffe n'okusaba ennyo newankubadde nga tetulina kugenda mu masinzizo. Katonda
ye nannyini buyiinza, ate buli wetumusabira atuwulira
2. Twewale okugwangana mu bifuba, newankubadde
nga tuli bamikwaano nnyo.
3. Twewale okukwatagana mu
ngalo oba nga tubuuzagana, si lwa bukyaayi naye olw'okukuuma obulamu bwaffe.
4. Tunaabe nnyo era bulungi
engalo zaffe buli kiseera kye tuba tusobodde oba buli bwe tufunye amazzi ne
sabbuuni.
5. Twewale okuliraana enyo
abantu naddala abava mu bifo
ebiteberezebwa okubaamu obulwadde bunno
6. Tunywe nnyo amazzi
n'ebyokunywa eby'enjawulo.
7. Twewale okutambulira mu bifo
ebiteberezebwa okuba n'obulwadde buno
8. Twambale obusiba mimwa ne
gloves singa tuba tuteekwa okutambulira mu bidduka eby'olukale naddala takisi
oba baasi.
9. Tuweeyo mbagirawo oyo yenna
ateeberezebwa okubeera n'obulwadde buno oba alabise obubonero bwaabwo eri
abasawo bamwekebejje
10. Tetuyisa bubi bannafe singa
bateberezebbwa okuba n'obubonero oba singa bakakasibwa okuba abalwadde, wabula
tubayambe nga tubayitira abasawo.
OBUBONERO
KW'OLABIRA OMUNTU AYIINZA OKUBA N'AKAWUKA KANO BWE BUNO:
1. Olusujja sujja olwa lubyamira
2. Sennyiga
3. Okukolola (ekifuba) okwa buli
kiseera
4. Okussa obubi
5. Okubuguumirira naddala ekifuba
oba omugongo
6. Obunafunafu obutali bwa bulijjo
7. N'obubonero obulaala nga
ekitongole ky'ebyobulamu bwe kirangirira buli kiseera.
Wabula jjukira nti buno
obubonero bwennyini bwandiranga obulwadde obulala. N'olwekyo si buli abufunye
nti abeera n'obulwadde buno. Tuukirira omusawo (owekizungu) omutendeke mbagirawo
nga werabyeeko obubonero buno, era wewale okubusiiga banno.
OKUMANYA EBISINGAKO KU BULWADDE BUNO OBA OKUTEGEEZA NGA WALIWO AYIINZA OKUBA N'OBULWADDE BUNNO, KUBIRA EKITONGOLE KY'EBYOBULAMU KU NNAMBA ZINO EZITALI ZAKUSASULIRA: 0800100066 / 0800203033 OBA BAWEEREZE OBUBAKA KU WHATSAPP: 0706428093
JJUKIRA OKWEEKUMA NGA OLI
MULAMU, OKWEKEBERA MU LUKALALA LW'ABALONDA ERA N'OKULONDA OMUTUUFU WA BUKOTO
WEST, OLIVIA MUGABE, KU BWA MMEMBA MU PALAMENTI OWA BUKOTO WEST CONSTITUENCY
2021.
FOR
GOD AND MY COUNTRY